मराठीतल्या सामान्यांबरोबरच असामान्यही हजारोंच्या
संख्येत. ज्ञानेश्वर-तुकारामांपासून पुलं आणि वपुंपर्यंत. यातल्या काही असामान्यांच्या
वेबसाईटस त्यांच्या चाहत्यांनी बनवलेल्या आहेतच. पण त्याचबरोबर इतरही अनेक
वेबसाईटसवर या असामान्यांची दखल घेतलीय. या अशा वेबसाईटची एक जंत्रीच इथे
आपण पहाणार आहात. आपल्याही पहाण्यात वाचण्यात अशी एखादी साईट असेल तर जरुर
कळवा.
या संकेतस्थळावर संत तुकारामांची
संपूर्ण अभंगगाथा इंटरनेटवर उपलब्ध आहे. तुकारामांचे तब्बल साडेचार हजार
अभंग या संकेतस्थळावर मूळ मराठीत वाचायला मिळतातच, शिवाय या महान संताचा
परिचय करून देणारे हिंदी, स्पॅनिश, राशियन, जर्मन आणि इंग्रजी भाषेतील
लेखही या संकेतस्थळावर आहेत. याचबरोबर तुकारामाच्या गाथेचा विविध भाषांतील
अनुवादही या संकेतस्थळावर उपलब्ध आहे.
महाराष्ट्राचे आधुनिक वाल्मिकी
म्हणून ज्यांचा गौरव केला जातो, ते ग दि माडगूळकर अर्थात गदिमाही या
सायबरविश्वात आपल्याला भेटतात www.gadima.com या संकेतस्थळावर. १३ ऑक्टोबर
१९९८ रोजी गदिमांचे नातू श्री सुमित्र माडगूळकर यांनी हे संकेतस्थळ सुरु
केले. आजवर लाखो सायबरयात्रींनी या संकेतस्थळास भेट दिली आहे. या संकेतस्थळावर
संपूर्ण गदिमा..... अगदी दृक-श्राव्यासहित उपलब्ध आहेत.
ठाण्यातील कळव्यातील स्मिता
मनोहर या तरुणीने महाराष्ट्राचे लाडके व्यक्तिमत्त्व असणार्या पु. ल.
देशपांडे यांच्याविषयीचे www.puladeshpande.net हे संकेतस्थळ निर्माण
केले आणि अल्पावधीतच हे संकेतस्थळ म्हणजे पु. ल. प्रेमींचा कट्टाच बनले.
.......
आपल्या
संगणकावर मराठीत सोप्या पद्धतीने काम करण्यासाठी फॉन्टफ्रीडम
मायबोली वापरा.
खास सवलतीची किंमत... केवळ रु.३९९/-
मराठी सॉफ्टवेअर्स
युनिकोडमध्ये आपल्या संगणकावर मराठीत ऑनलाईन आणि ऑफलाईन काम करण्यासाठी, ऑर्कुट, ब्लॉग्स वगैरेवर मराठीत लिखाण करण्यासाठी आणि कोणत्याही सर्च इंजिनमध्ये मराठीतून सर्च करण्यासाठी फॉन्टफ्रीडम गमभन वापरा.
खास सवलतीची किंमत... केवळ रु.२००/-
राजीव तांबे