महाराष्ट्रात जन्मलेला किंवा महाराष्ट्र ही कर्मभूमी मानणारा आणि मराठीत अभिमानाने बोलणारा प्रत्येक माणूस हा मराठी माणूस. साधी, सोपी, सरळमार्गी व्याख्या. त्यासाठी पुस्तकं शोधायला नकोत की ग्रंथ पहायला नकोत. मराठीपणाचं सर्टिफिकेट कोणी द्यायचं? मोठा गहन प्रश्न आहे. पण सर्टिफिकेट हवंय कोणाला? मराठी-अमराठी हे सगळे राजकारण्यांचे खेळ. इंटरनेटच्या ग्लोबलाईज्ड मराठीसृष्टीत मराठीत लिहिणारा-वाचणारा प्रत्येकजण हा मराठीच. त्यामुळे तो या मराठीसृष्टीचा हक्काचा नागरिक.

अशा या सामान्य मराठी माणसापासून ते थेट सेलिब्रिटींपर्यंत अनेकांचा वावर आज इंटरनेटवर दिसतो. काहींची वेबसाईट, काहींचे ब्लॉग, काही Orkut, Facebook सारख्या कम्युनिटी साईटसवर.... पण एकत्रितपणे या सगळ्यांचा मागोवा घ्यायचा कोणी प्रयत्न केलाय? दिसत तर नाही आणि म्हणूनच आम्ही तो केलाय. इंटरनेटवर इतस्ततः विखुरलेल्या मराठी माणसापर्यंत पोहोचण्यासाठी सोपा मार्ग म्हणजे मराठीसृष्टी. कोणत्याही स्वरुपात Online असलेल्या मराठी माणसाची माहिती इथे मिळेल. आणि जर कोणी Online नसतील तर त्यांनी काळजी करायची गरज नाही. त्यांचीही Online होण्याची सोय होईल.